திரு. சித்ரால் ஜயவர்தன "உதய சூரியன், தங்கம் மற்றும் வெள்ளி கதிர்களின் ஆணை" விருதுடன் கௌரவிக்கப்பட்டார்

பிப்ரவரி 21, 2025 அன்று, இலங்கைக்கான ஜப்பான் தூதர் அதிமேதகு திரு. அகியோ இசொமடா அவர்கள் தங்கம் மற்றும் வெள்ளி கதிர்களின் ஆணை (The Order of the Rising Sun, Gold and Silver Rays) விருதை JICA முன்னாள் மாணவர் சங்கத்தின் முன்னாள் தலைவரும், சசகாவா அறக்கட்டளையின் முன்னாள் தலைவருமான திரு. சித்ரால் ஜயவர்தனவுக்கு வழங்கினார். ஜப்பானுக்கும் இலங்கைக்கும் இடையிலான நட்புறவு மற்றும் பரஸ்பர புரிதலை மேம்படுத்துவதில் அவர் ஆற்றிய சிறப்பான பங்களிப்பை அங்கீகரிக்கும் விதமாக இந்த விருதை அவர் வழங்கினார். இந்த விழா தூதரக மண்டபத்தில் நடைபெற்றது, அங்கு திரு. ஜயவர்தனவை அவரது குடும்ப உறுப்பினர்கள் மற்றும் அன்புக்குரியவர்கள் பலர் அன்புடன் வாழ்த்தினர்.
 
JICA முன்னாள் மாணவர் சங்கத்தின் நிறுவன உறுப்பினராகவும் முன்னாள் தலைவராகவும் திரு. ஜயவர்தனவின் அயராத முயற்சிகளுக்காகவும், JICA மூலம் கல்வி கற்று திரும்பி வருபவர்களிடையே வலுவான வலையமைப்பை உருவாக்குவதில் முக்கிய பங்கு வகித்ததற்காகவும், இலங்கையில் ஜப்பானின் பங்களிப்புகளை ஊக்குவிப்பதற்காகவும் தூதர் இசொமடா அவர்கள் திரு. ஜயவர்தனவை பாராட்டினார். அவரது தலைமையின் மூலம், JICA முன்னாள் மாணவர் சங்கம் அதன் உறுப்பினர்களிடையே உறவுகளை வலுப்படுத்தியது மட்டுமல்லாமல், அதன் செயல்பாடுகளையும் விரிவுபடுத்தியுள்ளது, இலங்கை-ஜப்பான் இரவு போன்ற நிகழ்வுகளை ஏற்பாடு செய்துள்ளது. இந்த முயற்சிகள் கலாச்சார பரிமாற்றத்தை மேம்படுத்தியுள்ளன, ஜப்பான் பற்றிய பொதுமக்களின் புரிதலை ஆழப்படுத்தியுள்ளன, மேலும் JICA முன்னாள் மாணவர்களுக்கும் இலங்கையில் உள்ள ஜப்பானிய சமூகத்திற்கும் இடையே வலுவான தொடர்புகளை வளர்த்துள்ளன.

திரு. ஜயவர்தன சமூக நலனில் ஆழ்ந்த அர்ப்பணிப்புடன் இருந்தார் என்றும், பின்தங்கிய சமூகங்களை ஆதரிப்பதற்கான முயற்சிகளை முன்னெடுத்துச் சென்றார் என்றும் தூதர் இசொமடா வலியுறுத்தினார். சுகாதார முகாம்கள், இரத்த தான முகாம்கள் மற்றும் உதவித்தொகை திட்டங்களை ஏற்பாடு செய்வதில் அவர் மேற்கொண்ட முயற்சிகள் பலரின் வாழ்க்கையை கணிசமாக மேம்படுத்தியுள்ளன. குறிப்பாக, ஜப்பானிய யென் கடன்களுடன் நிறுவப்பட்ட தேசிய இரத்த வங்கியில் இரத்த தான பிரச்சாரங்கள், பொது சேவைக்கான அவரது அர்ப்பணிப்பை எடுத்துக்காட்டுகின்றன. லயன்ஸ் கழகதுத்டனான (Lions Club) அவரது ஒத்துழைப்பு இந்த முயற்சிகளை மேலும் விரிவுபடுத்தியுள்ளது, உலக இரத்த தானம் செய்பவர் தினத்தன்று சுகாதார அமைச்சகத்தின் பல விருதுகள் உட்பட தேசிய அங்கீகாரத்தைப் பெற்றுள்ளது.

ஜப்பானுடனான நட்புறவை மேம்படுத்துவதில் சிறப்பான பங்களிப்புகளைச் செய்த வெளிநாட்டினருக்கு ஜப்பான் பேரரசரால் "உதய சூரியனின் ஆணை" வழங்கப்படுகிறது. 
 
இந்த மங்களகரமான நிகழ்வு ஜப்பானுக்கும் இலங்கைக்கும் இடையிலான இருதரப்பு உறவை மேலும் வளர்க்கும் என்று நம்பப்படுகிறது.